Македонија
Сте слушнале ли за бројот 112 ?…Над 60 % од анкетираните не знаеле за што служи
Бројот 112 како број за итни случаи при соочување со опасност го препознаваат 17,3 отсто од испитаниците. Најголем дел од испитаниците или 58 отсто кога ќе наидат на опасност најпрво би се јавиле во полиција на 192, а 18,3 отсто не знаат каде треба да се јават. Ова на денешната прес-конференција го соопшти директорот на Центарот за управување со кризи Стојанче Ангелов.
Тој ги презентираше резултатите од анкета за мерење на свесноста и познавањето на граѓаните за единствениот европски број за итни случаи 112 и улогата на Центарот за управување со кризи. Анкетирањето е спроведено од 29-ти мај до втори јуни година на репрезентативен примерок од 1067 испитаници од страна на агенцијата „Маркет Висион“.
Ангелов информира дека на граѓаните им се добро познати броевите за итни случаи. Најголема свесност постои за бројот 192, односно за полиција или овој број го знаат 72,1 отсто од испитаниците. Најмала свесност постои за бројот 193 или 56,9 отсто од испитаниците знаат кој е бројот на противпожарната бригада.
На прашањето „Сте слушнале ли за бројот 112?“, 37,4 отсто од испитаниците се изјасниле дека го знаат бројот 112, а 62,6 отсто одговориле дека не го знаат овој број.
„Ова не наведува на заклучокот дека треба да работиме на популаризација на бројот 112. Притоа упатуваме молба до сите медиуми, да го популаризираат бројот 112, на тој начин да им помогнат на граѓаните“, потенцира Ангелов.
Ангелов рече дека корисно е граѓаните да го знаат бројот 112 и додаде дека се уште остануваат во функција телефонските броеви 192, 193 и 194.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk