Култура
Стефани Гаврилоска (12): Творам со една цел, да бидам позната писателка!
Дванесетгодишната гостиварка Стефани Гаврилоска е исклучителен талент за создавање убаво пишан збор. Без разлика дали се работи за поезија или за проза, ова девојче има мајсторски израз, фантазија која умее максимално да ја искористи и дарба која постојано ја надградува. На свои 12 години, Стефани веќе се потпишува како автор на две книги, една стихозбирка и роман. На полето на литературата има добиено многу пофалници и дипломи, на локално и на државно ниво („Напиши писмо со ракопис на срцето“, награда за најмлад писател по повод 8-ми декември – денот на св.Климент Охридски, учества во повеќе телевизиски детски емисии, литератури читања, манифестации). Во продолжение Гостиварпрес низ неколку прашања и одговори ви ја претставува Стефани, пример за млад талент со кој Гостивар може да се гордее.
Како и кога се роди љубовта кон пишаниот збор?
Се започна во предучилишните денови, кога штотуку научив да читам и пишувам. Малечката љубопитност кон една обична сликовница, за кратко време се претвори во голема љубов и приврзаност кон книгите и пишаниот збор.Пишував на мали листови и себично ги собирав на едно место сите запишани моменти немислејќи дека еден ден ќе почнам интензивно да пишувам.
Кажи ни нешто повеќе за твоите две дела, стихозбирката Виножито во рима и романот во раскази Тина и Лина.
Стихозбирката „Виножито во рима“ е мое првенче, објавено 2 март, 2014 година, на денот на мојот десетти роденден. Оваа книга содржи поезија и проза, напишани во рима и собирани уште од мојата најрана возраст.Во оваја прилика и се заблагодарувам на мојта учителка Елизабета Стојкоска за поддршката која ми ја даде тогаш кога ми беше најпотребно, бидејќи во мене виде потенцијал. Таа заедно со моите родители и денес ме бодрат да ја реализирам секоја моја идеја.
Втората по ред моја книга„Тина и Лина“ е мој прв роман, кој е промовиран во пресрет на 24 мај, оваа година. Се зборува за две девојчиња близначки кои носат силна порака дека со многу труд и силна желба, може да се надмине секоја пречка и да се успее во животот.
Дванаесет години, а веќе автор на две книги. Која е пораката до другите деца кога е во прашање литературата?
Кога се работи за литературата, постои едно нешто што би сакала да го упатам како апел до моите врсници, а тоа е дека секој не може да напише книга, но секој може барем да прочита некоја. Со секоја прочитана книга, стануваме побогати и луѓето повеќе не почитуваат. Книгата е непресушен извор на знаење. Во една прилика прочитав дека човекот што чита книги живее многу животи, а оној што не чита само еден.
Што најмногу сакаш да читаш?
Обожувам да читам романи со социјална содржина, во кои се раскажува за животот на некои личности, за падови и успеси, за постигнати цели кои упатуваат на различни пораки до читателите. Сепак секоја книга е различна и секоја е убава на свој начин.
Подготвуваш ли нешто ново…Планови за во иднина…
Секојдневно пишувам по нешто.Тоа е моето бегство од реалноста, бегство во мојот свет каде сум сам со моите ликови и каде го „живеам“ нивниот живот. Во ракопис имам уште многу текстови и песни, кои се надевам дека еден ден ќе бидат успешно промовирани. Се разбира дека ќе продолжам да пишувам, бидејќи љубовта кон пишаниот збор е неизмерна и поради тоа живеам и творам со една цел – во иднина да бидам позната писателка. Во оваа прилика им се заблагодарувам на сите што учествуваа во издавањето на моите книги, мојот постојан тим на рецензент, лектор и илустратор и секако до моето семејство, кое се труди сите мои пишани текстови да ја видат светлината на денот.
Љупка Антеска
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар