Стигнаа ваучерите од АМС – Колку се „офајдија“ гостиварските спортски клубови?

Агенцијата за млади и спорт ја објави листата со спортските клубови, индивидуални спортисти и федерации кои добиваат ваучери, а кои може да ги искористат за добивање средства од даночните обврзници во земјава. Распределбата на средствата е различен, во зависност од спортот, постигнатите резултати, организираноста на клубот, рангот на натпреваруање, меѓународни натпреварувања, бројот на репрезентативци итн.

Од гостиварските спортски друштва Кошаркарскиот клуб Гостивар како и годините наназад најдобро котира на оваа ранг листа, за 2022 година доби ваучер од 7.000.000 денари. ФК Гостивар доби 1.400.000 денари. На Женскиот Кошаркарски клуб Гостивар 2009 доделени се 1.050.000 денари. Следат РК Јехона со 420.000 и ФК Беса 1976 од Добридол со 400.000 денари. Карате клубот Асиарт доби 330.000, Шаховскиот клуб Гостивар 140.000 и Велосипедскиот клуб Адреналин 130.000 денари.

На листаста на корисници на средства од даночно ослободување за 2022 година, се наоѓаат уште неколку спортски клубови и индивидуални спортисти од Гостивар, на сите тие вредноста на ваучерот е под 60.000 денари.

Ракометнио клуб Вардар доби најголем ваучер за 2022 година, сумата е 17,5 милиони, а зад него е Еурофарм Пелистер со 16,5 милиони денари.

Во кошарката МЗТ Скопје доби најголем ваучер од кошаркарските клубови, вредноста е 12,3 милиони, пред Работнички со 10,8 милиони денари.

Во фудбалот најголеми суми добија Шкендија, 10,8 милиони денари, Шкупи и Струга Трим Лум по идентични 9.850.000 денари.