Стипендии по 50 евра месечно за десет спортски таленти од Гостивар – еве ги имињата

Беркај Шаини, Лука Срафимоски, Редон Сефули, Валентино Бошкоски, Игли Хасани, Даим Мухареми, Амина Абдураими, Сара Премческа, Шпат Азизи и Ерион Незири. Ова се младите спортски таленти од Гостивар кои годинава ќе добиваат стипендии од општината, во висина од 3.000 денари месечно. Ваквиот вид на поддршка локалната самоуправа го воведува за прв пат, а одлуката за доделување на стипендиите беше изгласана на денешната седница на Советот на Општина Гостивар.

„Селекцијата на стипендистите е направена врз основа на претходно донесениот Правилник. Со стипендиите се опфатени сите активни спортови во Гостивар, а се внимаваше да бидат застапени и сите националности. Го имавме Правилникот и според критериумите кои се наведени во него, не беше тешко да се избере кои спортисти ќе добијат поддршка за оваа година. Прв пат општината доделува ваква помош, јас навистина се надевам дека во иднина ќе го зголемиме бројот на таленти што ќе добиваат стипендии. Гостивар има многу талентирани спортисти на кои им треба поддршка. Тие се амбасадори на градот и го претставуваат во најдобро светло“, рече советникот и карате ас, Берат Јакупи.

Меѓу стипендистите има спортисти и спортистки кои се занимаваат со ракомет, кошарка, скијање, фудбал, карате…