Стојаноска: Кај граѓаните има расположение за промени, го користиме секој момент да ги сослушаме

Носителката на пратеничката листа на ВМРО-ДПМНЕ во изборна единица 6, Дафина Стојаноска, денешниот ден од предизборната кампања го поминува во Гостивар, на неколку средби, а ќе го заокружи со посети кај граѓани.

„Денешната агенда ми е во мојот роден град Гостивар, ќе бидам на средба со спортските работници на којашто ни присуствува и претседателот на Централната комисија за спорт на ВМРО-ДПМНЕ, Борко Ристовски. Потоа имаме средба со младите, а предвидена е и средба со пензионерите. Потоа, во попладневните часови секако одиме од врата до врата. Бидејќи сум на терен и претходно заради претседателската кампања, сметам дека има расположение кај граѓаните за промени. Секако ќе го искористиме секој момент за средба со нив, да слушнеме нивни критики, нивни предлози и барања кои ќе значат само надградување на програмата на ВМРО-ДПМНЕ.“, изјави Стојаноска.