Македонија
Столтенберг најави дека ќе инсистира членките повеќе да издвојуваат за НАТО одбраната
Генералниот секретар на НАТО Јенс Столтенберг денеска изјави дека на претстојниот самит на лидерите на земјите-членки на Алијансата силно ќе инсистира на многу посилна посветеност на трошоците за одбрана од сегашните два отсто од бруто домашниот производ (БДП).
За време на Самитот за демократија во Копенхаген, на кој учествува и поранешниот генерален секретар на НАТО, Андерс Фог Расмусен, Столтенберг истакна дека се надева оти „во Вилнус ќе можат да се договорат за многу посилна посветеност“, односно дека два отсто од БДП ќе биде минимално, а не максимално одвојување за одбраната.
Столтенберг, преку видео врска, вети дека „ќе се обиде да постигне консензус бидејќи живееме во поопасен свет кој бара повеќе инвестиции во одбраната“.
Тој рече и дека кога ќе се постигне договор, земјите од НАТО треба веднаш да го спроведат, а не да чекаат децении за да ги зголемат трошоците за одбрана.
Столтенберг истакна дека шефовите на држави или влади на НАТО се очекува да усвојат повеќегодишен пакет помош за трансформација на украинската армија од советска ера на современи стандарди на НАТО.
Лидерите на Јужна Кореја, Нов Зеланд и Австралија, исто така, ќе учествуваат на Самитот на НАТО што ќе се одржи во Вилнус, Литванија од 11 до 12 јули.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар