Вести
Студен бран: Еден бездомник згрижен на топло, двајца други одбиле помош
Екстремно ниските температури кои во гостиварскиот регион владеат со денови, создаваат тешкотии и проблеми во секојдневието на сите граѓани. Сепак, на најголема мака се оние коишто немаат покрив над главата. Неколку бездомници повеќе години живеат во задниот дел на објектот на автобуската станица во Гостивар, во напуштените руинирани простории и покрај скалите на отворено.
Во заедничка акција на Центарот за социјална работа, Црвениот крст и Здравствениот дом еден бездомник е веќе згрижен во гостиварскиот интернат, каде привремено се адаптирани соби за таа намена. Службите направиле обид да сместат уште двајца, повозрасни татко и син, но тие одбиле помош и останале во мизерни услови без греење и струја. Во нашиот разговор со нив денес ни рекоа дека им е тешко на студенилото, но поголем дел од времето се топлат под ќебиња. „Одбивме да одиме во интернатот, тоа не е трајно решение, туку само за неколку дена“, велат бездомниците.
Инаку, освен активности за згрижување на бездомните лица, социјалните служби со Црвениот крст спроведоа и акција во која храна и средства за лична хигиена им беа доставени на социјално загрозени и други ранливи групи граѓани.
И покрај екстремно ниските температури кои во Гостивар паднаа до -20, за жал низ градските улици се` уште има и голем број питачи, меѓу кои и мали деца со оскудна облека и летни обувки на себе.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk