Студено и нестабилно време во новата работна недела

Времето денеска (понеделник) ќе биде облачно, почнувајќи од јужните делови со врнежи од дожд, кои попладне и во вечерните часови на повеќе места ќе бидат поројни и обилни. На планините и на некои повисоки места во западните делови врнежите до крајот на денот ќе преминат во снег, а во текот на ноќта во овие подрачја се очекува и формирање на снежна покривка. Ќе дува умерен до засилен ветер од северен правец. Температурата во гостиварскиот регион ќе биде во интервал од 3 до 9 степени.

Врнежи се уште ќе има и во вторник претпладне, кога во западните делови во повисоките подрачја ќе бидат од снег. И во вторник ќе дува засилен северен ветер што ќе услови дополнително намалување на дневната температура, која ќе се спушти до 5 степени.

Во среда, четврток и петок ќе преовладува променливо и посвежо време.