Судар на автобус и автомобил на патот Гостивар-Кичево

Две лица се повредени во несреќа која се случила вчера (13 февруари) на патот Гостивар-Кичево. Како што информира МВР, во 12.55 часот во Полициската станица Кичево било пријавено дека се случила сообраќајна несреќа помеѓу патничко возило „фолксваген голф“, со кичевски регистарски ознаки, управувано од Р.Ф.О.(21) од Долно Строгомиште, кичевско и автобус „ивеко“ со охридски регистарски ознаки, управувано од Џ.Б.(56) од Грешница, кичевско.

Во несреќата, возачот од возилото се здобил со тешки телесни повреди, а возачот на автобусот се здобил со телесни повреди, констатирани во Медицинскиот центар во Кичево. Извршен бил увид од увидна екипа од Полициската станица Кичево.