Судењето за трагичната автобуска несреќа започнува на 5-ти септември

Првото судско рочиште за несреќата со автобусот на Дурмо турс, ќе се одржи на 5-ти септември, а Судењето во Кривичниот суд во Скопје ќе го води судијката Дијана Груевска-Илиевска, објави  Алсат.

На обвинителната клупа ќе седнат шест лица – сопственикот на компанијата, возачот на автобусот и уште тројца вработени во станицата за технички преглед кои се товарат за тешки дела против безбедноста на луѓето и имотот во сообраќајот, и уште едно лице кое е обвинето за несовесно работење во службата.

Во тешката сообраќајна несреќа, којашто се случи на 13 февруари годинава животот го загубија 16 патници, а над 35 беа повредени.