Судир на две возила на патот Маврови Анови-Дебар, повеќе лица повредени меѓу кои и малолетник

МВР информира дека вчера (29.07.2022) во 17.05 часот на патен правец Р1-202 Мавровска раскрсница-Дебар и делница „Св.Јован Бигорски“, се случила сообраќајна несреќа помеѓу патничко возило „шкода“, со скопски регистарски ознаки, управувано од 37 годишниот Р.К. од Радуша, скопско и патничко возило „фиат панда“, без регистарски ознаки, управувано од 49 годишниот С.А. од Требиште, Општина Маврово и Ростуше.

„Во несреќата малолетен сопатник во патничкото возило „панда“ се здобил со тешки телесни повреди, додека Н.К.(30) од Радуша, сопатничка од возилото „шкода“ и  возачот С.А. се здобиле со телесни повреди, констатирани во гостиварската болница. З.С.(41) од Требиште, пак, сопатничка во возилото „панда“, е задржана за дополнителен преглед. Увид на местото извршила екипа од Полициска станица Гостивар.“, извести полицијата.