Супер напиток за освежување во жешките летни денови

Потекнува од Америка и го нарекуваат „slushie“. Во суштина тоа е напиток со овошје по желба и иситнат мраз. Некои строги правила за подготовка нема, едноставно треба да ја следите вашата имагинација и вкус. Во пеколно жешките летни денови, ние ви предлагаме да си направите „slushie“ со лубеница или праски.

состојки:

300 гр. лубеница исчистена од семки или 2-3 праски

10-15 коцки мраз

подготовка:

Овошјето се блендира целосно, да не останат парчиња. Коцките мраз исто така може да ги иситните во блендер, или да ги раздробите рачно (покријте го мразот со крпа и издробете го со сукало). Потоа едноставно измешајте ги овојшето и мразот и пијалокот е готов. По желба може да додадете свежо нане, лажица-две инстант кафе, ѓумбир во прав итн…