Супер рецепт за убава „лажна“ карамела без трошка шеќер

Карамелот е густа слатка смеса која се добива со растворање на шеќер на висока температура. Но, многу сличен вкус на овој сос може да добиете без да користите трошка шеќер.

За да подготвите „лажна“ карамела, користете меки урми и тахини, односно паста од мелено семе од сусам. Иако рецептот е многу едноставен, треба да имате предвид неколку детали.

Ако немате меки урми на располагање, доволно е да ги натопите во топла вода една вечер пред да го подготвите рецептот за да ги омекнете.

За добра лажна карамела, исто така е важно да се користат квалитетни тахини. Постојат различни брендови на пазарот кои во амбалажата кријат горчлива маса која личи на парче глина. Наместо тоа, купете течни кои лесно може да се истурат од пакувањето.

Состојки:
150 грама меки урми
3 лажици тахини
прстофат сол

Подготовка:
Во блендер ставете ги омекнатите урми, тахини и сол и измешајте сè заедно додека не добиете смеса како карамела. Во случај во смесата да е претврда, можете да додадете малку вода или растителкно млеко како она од бадеми.

Послужете со овошје, чоколадо, на леб или намачкајте преку торта. Добар апетит!