Сурова или готвена храна – Бенефит и ризици

Со готвењето на  храната, нејзиниот вкус може да се подобри , но исто така може да ја промени и нејзината хранлива содржина. Интересно е што некои витамини се губат за време на готвењето, додека други стануваат подостапни за телото, и се зависи од индивидуалниот избор на храна.

Некои тврдат дека консумирањето сурова храна е патот до подобро здравје. Сепак, одредена варена храна има јасни нутритивни придобивки.

Иако постојат различни нивоа на јадење сурова храна, сите тие вклучуваат јадење претежно незагреана, неварена и необработена храна.

Застапниците тврдат дека суровата храна е похранлива од обработената, бидејќи ензимите, заедно со некои хранливи материи, се уништуваат во процесот на готвење, па затоа веруваат дека зготвената храна е всушност отровна.

Иако има некои придобивки од конзумирање на сурово овошје и зеленчук, постојат и потенцијални проблеми со исхраната која содржи само сурова храна. Поради тоа, начинот на исхрана само со сурова храна е тешко да се следи, а бројот на луѓе кои се држат целосно до овој начин на исхрана на долг рок е многу мал.

Некои видови храна содржат опасни бактерии и микроорганизми кои се елиминираат само со готвење. Ако јадете целосно сурова храна која вклучува риба и месо, постои ризик да се развие болест предизвикана од храна.

Готвењето може да ги уништи ензимите во храната

Кога консумирате храна, дигестивните ензими во вашето тело помагаат да се разложи на молекули што можат да се апсорбираат. Храната што ја јадете содржи и ензими кои помагаат во варењето на храната.

Ензимите се чувствителни на топлина и лесно се деактивираат кога се изложени на високи температури. Всушност, речиси сите ензими се деактивираат на температури над 47 Целзиусови степени.

Ова е еден од основните аргументи во корист на јадење сурова храна. Кога ензимите на храната се менуваат за време на процесот на готвење, потребни се повеќе ензими за да се свари.

Луѓето кои што имаат начин на исхрана базирана на сурова храна тврдат дека ова создава стрес за вашето тело и може да доведе до недостаток на ензими. Сепак, не постојат научни студии за да го поддржат ова тврдење.

Човечкото тело произведува ензими неопходни за варење на храната, а телото апсорбира и повторно лачи некои ензими, па затоа е малку веројатно дека варењето на храната ќе доведе до недостаток на ензими.

Науката се уште ги нема покажано негативните здравствени ефекти од конзумирање варена храна со денатурирани ензими.

Во процесот на готвење, некои витамини растворливи во вода се губат

Суровата храна може да биде побогата со одредени хранливи материи од готвењето што може да се изгуби за време на процесот на готвење. Истражувања имаат покажано дека витамини растворливи во вода, како што се витамин Ц и витамин Б, се особено чувствителни на високи температури за време на готвењето. Всушност, врелата вода може да ја намали содржината на витамин во зеленчукот за 50 до 60 проценти.

Некои минерали и витамин А исто така се губат за време на готвењето, иако во помала мера. Готвењето генерално не влијае на витамините растворливи во масти Д, Е и К.

Вриењето постигнува најголема загуба на хранливи материи, додека другите методи за готвење поефикасно ја одржуваат содржината на хранливи материи во храната.

Готвење на пареа е еден од најдобрите методи за готвење зеленчук кога станува збор за задржување на хранливи материи.

Готвената храна е полесна за џвакање

Џвакањето е важен и прв чекор во дигестивниот процес. Чинот на џвакање распаѓа големи парчиња храна во мали честички што можат да се варат.

Неправилно џваканата храна е многу потешка за варење и може да доведе до гасови и надуеност. Потребно е значително повеќе енергија и напор за правилно џвакање на сурова храна отколку варената.

Процесот на готвење на храната распаѓа некои од неговите влакна и sидовите на растителните клетки, што го олеснува варењето и апсорбирањето на хранливите материи од телото.

Готвењето убива штетни бактерии и микроорганизми

Подобро е да јадете одредена храна варена, бидејќи суровите верзии може да содржат штетни бактерии. Готвењето храна ефикасно ги убива бактериите кои можат да предизвикаат болести предизвикани од храна.

Сепак, овошјето и зеленчукот се генерално безбедни за јадење сурови, се додека не се контаминирани.

Сето тоа зависи од видот на храната

Ниту јадење целосно сурова ниту целосно варена храна не може да биде научно оправдано. Ова е затоа што и суровото и вареното овошје и зеленчук имаат различни здравствени придобивки, вклучително и помал ризик од хронични заболувања.

Храната што е поздраво да се јаде сурова е брокулата, зелката, кромидот, лукот и слично.

Додека храната што е поздрава кога се готви се аспарагус, спанаќ, моркови, компири, мешунки, месо, риба.