Сурутка – идеален пијалок за постарите, но и за трудниците

Иако некои напредни земји како што се Швајцарија и Исланд, кои имаат развиена млечна индустрија, ја користат сурутката како основа за правење разни пијалоци, во повеќето земји таа и нејзините многубројни позитивни ефекти врз здравјето се заборавени.

Нутритивни вредности на сурутката:

Сурутката е нутритивно исклучително вредна храна, бидејќи содржи многу важни минерали и тоа: натриум, калиум, фосфор, магнезиум, железо, цинк, бакар, кобалт, манган. Содржи и витамини Б5, Б2, Ц и Б6, како и амино киселини и протеини, а не содржи многу калории.

Највредната компонента на сурутката секако се нејзините протеини, а тоа најдобро го знаат спортистите и физички поактивните луѓе, бидејќи на телото му обезбедуваат високо ниво на енергија, ја забрзуваат синтезата на мускулните протеини, а со тоа и растот на мускулите, како и нивнато брзо закрепнување по напор.

Идеален пијалок за стари лица:

Според некои истражувања, сурутката може да ја спречи остеопорозата, бидејќи ги компензира протеините чиј недостаток доведува до значително разредување на коските. Затоа сурутката е идеален избор и за постарите луѓе.

Се препорачува и за бремени жени:

Бремените жени имаат зголемена потреба за протеини. Со оглед на тоа што сурутката игра важна улога во закрепнувањето на телото по напор, дава енергија, а содржи и бројни минерали и витамини, многу е корисно да се вклучи во секојдневната исхрана и кај бремените жени.