Здравје и убавина
Сусам, намирница која треба почесто да се користи во исхраната

Семето од сусам нуди бројни здравствени придобивки, но многумина воопшто не го користат во исхраната или го користат ретко.
Семето од сусам не само што е одличен извор на влакна кои го одржуваат дигестивниот систем и срцето здрави, туку и се полни со есенцијални витамини и минерали и се одлични за целокупното здравје. Минералите како калциум, бакар и магнезиум во сусамот го одржуваат вашиот имунолошки и нервен систем, ги зајакнуваат коските и го намалуваат воспалението. Покрај тоа, високата концентрација на незаситени масни киселини содржани во сусамот помага во намалување на холестеролот. Може да помогне и за срцевото и мозочното здравје.
Здравствени придобивки од сусамот
Семето од сусам има висока хранлива вредност и нуди повеќекратни здравствени придобивки кои се поврзани со превенција на болести и подобрување на постоечките здравствени состојби, вклучувајќи висок холестерол, остеопороза, висок крвен притисок и артритис. Доколку го користите редовно во исхраната, резултатите сигурно нема да изостанат.
Добар извор на влакна
Без оглед на тоа дали лушпата е отстранета или останала недопрена, семето од сусам е добар извор на диетални влакна. Но, нелупеното семе од сусам е подобар извор на влакна здрави за срцето.
Содржи голема количина на бакар и калциум
Ова се двете основни хранливи материи кои се наоѓаат во семето од сусам. На вашето тело му треба бакар за извршување на важни функции, вклучително и создавање енергија, сврзно ткиво и крвни садови.
Бакарот исто така помага во одржување на вашиот имунолошки и нервен систем. Калциумот е важен и за силни коски и за здравјето на вашето срце, мускули и нерви. Но, ако не внесувате доволно калциум во вашата исхрана, тоа може да доведе до намалување на коскената маса, фактор на ризик за остеопороза.
Сусамот е богат со здрави масти
Незаситените масти се сметаат за здрави масти кои можат да го намалат воспалението, да го подобрат нивото на холестерол во крвта и да одржуваат стабилен срцев ритам. Тие главно се наоѓаат во растителната храна. Семето од сусам содржи дури и малку омега-3 масти, еден вид полинезаситени масти кои телото не може да ги произведе самостојно.
-
Бизниспред 1 месец
ЛЕАР Тетово вработува
-
Гостиварпред 1 недела
Девизниот курс денес според приватните менувачници во Гостивар и НБРМ
-
Македонијапред 2 месеци
Православните одбележуваат Велики Петок, тажниот ден на распнувањето на Исус
-
Македонијапред 2 месеци
Зошто Велигден не е секоја година на ист датум – како се пресметува?
-
Македонијапред 2 месеци
Православните верници слават Благовештение
-
Гостиварпред 3 месеци
ОСМОМАРТОВСКИ СО БЕЛИНДА ТУКСАР ЛОТЕСКА, началничка на Отсек за криминалистичко разузнавање, статистика и документирање во ОВР Гостивар
-
Вестипред 2 месеци
Вo Здравствен дом Ростуше дијагностика и интервенции со современа апаратура за пациентите од цел регион
-
Македонијапред 1 месец
Здружението на историчарите бара враќање на Историјата за VI одделение