Рецепти
Еден поинаков десерт, микс на омилените сутлијаш и пудинг
Сутлијашот е типичен десерт за Балканот и Турција, кој често се подготвува и ги краси трпезите.
Потеклото на терминот сутлијаш води од турскиот збор ”süt” што во превод значи млеко. Сутлијашот е јадење кое се консумира со векови, а со тек на времето добива и поинакви верзии на подготовка.
Во западна и северна Европа во сутлијашот се додаваат состојки како цимет или печени бадеми, а во скандинавските земји сутлијашот се служи само за новогодишните празници. Интересна варијанта се подготвува во Данска и се нарекува ”Risalamande”, а во неа се додава сладок крем.
Во многу земји сутлијашот се произведува индустриски, а на пазарот е достапен и инстант сутлијаш, во кој е потребна само да се додаде врело млеко и малку да се промеша.
Доколку сте љубители на сутлијаш, еве како да го подготвите со еден од наједноставните рецепти.
Состојки:
1l млеко
200 g ориз
100 g шеќер
1 ванилин шеќер
Подготовка:
Исчистете го оризот, ставете го во вода која врие и кувајте го 15 минути.
Откако ќе се свари оризот, додадете го во врело, зовриено млеко во кое сте го ставиле ванилиниот и обичниот шеќер.
Врелиот сутлијаш ставете го во претходно навлажнети помали чинии, оставете го да се разлади. Одозгора украсете го со цимет, какао, или рендана чоколада.
За оние пак што сакаат да вкусат поинаков шмек, еве рецепт за сутлијаш со пудинг.
Состојки:
4 чаши млеко
3 чаши вода
1 чаша ориз
5 лажици шеќер
1 ќесичка пудинг од ванила
цимет во прав, по желба
Подготовка:
Во тенџере на оган, на средна температура ставете ги млекото, водата, шеќерот и оризот да се варат. Варете за време од 25 минути или додека оризот омекне, со повремено мешање.
Прашокот за пудинг ставете го во чинија и додадете 50 мл вода. Разматете го добро пудингот со водата за да се добие хомогена смеса.
Откако оризот ќе се свари, во тенџерето додајте го пудингот и варете 2 до 3 минути, додека смесата се згуснe.
Пoдготвениот сутлијаш со пудинг ставете го во влажни стаклени чинии и оставете го да се излади. Пред служење, врз сутлијашот наросете цимет во прав.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар