Сувата брусница со безброј благотворни дејства за здравјето

Зошто е добро да јадете сува брусница? Иако се смета за прилично калорична и содржи шеќери, во умерена количина е одличен сојузник на здравјето. Доколку сте во гужва и немате време за јадење, едноставно земете малку сува брусница. Ќе ви даде доволно енергија за до следниот оброк.

Плодовите на брусницата се вклучени во медицината уште од 16-ти век, а не е ни чудо затоа што содржи бројни витамини, минерали, антиоксиданти и органски киселини. Незаситените масти со кои е богат овој плод ќе ви помогнат во регулирањето на холестеролот во крвта. Витаминот Е, кој исто така го има во брусницата, помага во уништувањето на слободните радикали што предизвикуваат оштетување на клетките. Други скапоцени дарови од оваа црвена убавица за нашиот организам се: железо, калиум, витамин Ц.

Веќе е добро познато дека брусницата се препорачува при инфекции и заболувања на  уринарниот тракт.

Сувата брусница може да ја користите и во разни салати, колачи, овесни каши, а добро се вклопуваат и со месо, па доколку сакате да го зајакнете вкусот на пилешкото додадете малку брусница.