Свадби и други веселби може да се евидентираат во регистарот на Независната угостителска комора

Независната угостителска комора изготви сопствен регистар за свадби, прослави и веселби, во кој угостителите може да ги пријават и евидентираат своите прослави, согласно барањата во точка 7 од протоколите за организирање на такви настани.

„Со цел да излеземе во пресрет на сите телефонски повици и дописи за потреба на угостителите да ги регистрираат и пријават прославите Независната угостителска комора формираше сопствен регистар за свадби/прослави и веселби кој го става на располагање на сите угостители и угостителски објекти како и државни институции, комори, здруженија овозможувајќи на сите без дополнителен надомест да ги пријават односно евидентираат своите прослави. За секоја пријава во рок од 24 часа угостителите добиваат уредна електронска потврда дека согласно точка 7 извршиле пријава и регистрација во “угостителска комора која води регистар на свадби, прослави и останати веселби”.“, соопштија од НУК.

Само за овој викенд од донесувањето на првите протоколи за организирање на прослави и се организирале повеќе од 100 свадби, веселби, родендени и сл.