Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 20/05/2018

Свечено прославени два јубилеја – МОНТЕНЕГРО најавува нова инвестиција

Компанијата Монтенегро годинава одбележува два значајни јубилеја, 55 години од основањето и  30 години од отворањето на првиот маркет, со што бизнисот е префрлен во Македонија. По тој повод, вчеравечер беше организирана свечена прослава за сите вработени и доделување на награди и пофалници на вработените со најдолг стаж во компанијата.

– „Имаме одличен тим на вработени кои ни даваат огромен мотив. На нашот тим, од пред неколку години му се приклучи и третата генерација на семејството Пејчиноски. Сите заедно, на нашите над 270 вработени, на кои сме посебно горди, во оваа прилика им се заблагодаруваме и им посакуваме уште долго години работа во Монтенегро. Посебно сме горди, а што сакам да го истакнам е мултинационалниот состав на вработени во Монтенегро. Исто така сакам да им се заблагодариме и на нашите верни купувачи кои во изминативе 30 години несебично не подржуваа и мотивираа да се движиме само напред“, изјави Љупче Пејчиноски, еден од сопствениците на компанијата.

– „Почетокот на Монтенегро датира од далечната 1963 година кога Војне Пејчиноски ја основа во Никшиќ, Република Црна Гора. Државата каде што е основана компанијата, е причината за регистрирање на брендот Монтенегро во Македонија на 18 мај 1988. „Идејата да отвориме маркет во Гостивар ни дојде токму од Никшиќ. Пред нова година (1987) во непосредна близина до нашата фирма се отвори првиот маркет во Р. Црна Гора. Тоа беше доволно да добиеме идеја и ние да го отвориме првиот приватен маркет во Гостивар. Во тој период и во Македонија веќе започна да се отвараат првите приватни маркети. Денес нашиот маркет лоциран во центарот на Гостивар е најстариот жив маркет во Македонија. Сите предходно отворени маркети не ја преживееја транзицијата, не се снајдоја со конкуренцијата и огромниот наплив на отварање маркети“, раскажува Јоше Пејчиновски.

Ширењето на бизнисот продолжува во 1994 година со отворање на првиот салон за мебел, а подоцна и вториот во Скопје. Потоа 1998 година фирмата започнува со дистрибуција на прехрамбени производи низ цела територија на Македонија и станува преставник на многу реномирани европски компании. Во 2007 година Монтенегро влегува и во млекарскиот бизнис и станува сопственик на млекара Маестро во Србија, а со тоа и една од ретките мултинационални македонски компании кои инвестираа надвор од границите на нашата земја. Следува отворање на уште три маркети и еден Хоум центар.

Монтенегро не застанува тука. Сопствениците најавуваат нова инвестиција.

– „Ја користам оваа прилика да ја известам гостиварската јавност дека Монтенегро започнува нов проект, во кој бенефит ке видат над 300 нововработени и уште неколку стотици индиректно поврзани лица. Нашата цел покрај другото е, да им дадеме шанса не само на младите, туку и на оние од кои сите ги креваат рацете, а тоа се луѓе кои не по нивна вина останаа без работа и егзистенција“, вели Јоше Пејчиновски и порачува:

„Сакам да им порачам на сите оние кои мислат дека среќата можат да ја најдат само со работа надвор од Гостивар и Македонија е погрешно. На сите оние кои се чувствуваат способни и талентирани за одредена дејност, а немаат финансиски срества им препорачувам да се обратат до институциите за да се информираат за можностите кои им ги пружа државата. Со целосна посветеност кон работата што ја сакате ви гарантирам дека ќе успеете.“.

Оставете коментар

Вашата Емаил адреса нема да биде објавена.Задолжителните полиња се означени *

*