Света литургија и парастос во храмот „Пресвета Богородица“ во Гостивар по повод денешниот празник

Во црквата „Пресвета Богородица“ во центарот на Гостивар, утрово во чест на големиот празник Св.пророк Илија – Илинден, света литургија  богослужеше митрополитот Тетовско-гостиварски г. Јосиф, во сослужение на свештеници од гостиварското архиерејско намесништво.

По литургијата беше отслужен парастос за сите кои се упокоиле за одбрана на нашата вера и татковина- Македонија. Митрополитот г. Јосиф изговори пригодна беседа говорејќи за празникот, честитајки го големиот национален празник Илинден, и црковниот спомен на Светиот славен Пророк Илија.

По завршувањето на Литургијата, беше прочитано и Илинденското послание, испратено од Неговото Блаженство Архиепископот Охридски и Македонски г.г. Стефан, заедно со членовите на Светиот архиерејски синод на Македонската православна црква – Охридска архиепископија.

фото:тетовско-гостиварска епархија