Светиот крст во Гостивар во рацете на Душко Милошевски

Светиот крст на прославата на големиот христијански празник Водици во Гостивар заврши во рацете на 47 годишниот Душко Милошевски. Тој годинава имаше најмногу среќа меѓу пријавените кои скокаа по крстот во водите на Вардар. Честитки и желби за здравје, бериќет и среќа доби од сите присутни на одбележувањето на Богојавление Водици. Организацискиот одбор на манифестацијата на Душко му подари икона.

Празнична атмосфера во Гостивар владеше уште утрово кога по повод Водици беше отслужена света литургија во соборниот храм „Пресвета Богородица“, на градскиот плоштад.

Голем број верници се приклучија на литијата што по богослужбата, тргна од црквата и преку централното градско подрачје се движеше до малиот мост на Вардар пеејќи ја „Во Јордање“.

Чинот на осветување на водите и положување на светиот крст во Вардар го изврши Митрополитот тетовско-гостиварски г.Јосиф. Илјадници верници од сите возрасти, деца, пензионери и цели семејства и годинава ја проследија возобновената традиција на чествување на Водици во Гостивар.

Славењето продолжува со носење на крстот по куќите и семејни слави.

Моментот на фаќањето на крстот и изјава: