Светиот крст во Гостивар за Водици го фати Благојче Велјановски

Светиот крст што во водите на Вардар беше положен во Гостивар, на големиот христијански празник Богојавление Водици, годинава го фати Благојче Велјаноски. Од триесетината гостиварци кои скокаа по крстот во студените води на реката, овојпат него го послужи најголема среќа. Од насобраните верници кои дојдоа заедно да го чествуваа празникот, стигнаа искрени честитки и желби за здравје, бериќет и благосостојба.

Прославата на празникот започна утрово со света литургија во соборниот храм „Пресвета Богородица“ на градскиот плоштад. По богослужбата, литијата тргна од црквата и преку централното градско подрачје се движеше до малиот мост на Вардар, пеејќи ја песната „Во Јордање“. Од таму Митрополитот тетовско-гостиварски г.Јосиф го изврши чинот на осветување на водите и го положи светиот крст во реката.

Секоја година одбележувањето на Водици во Гостивар станува се помасовно. Илјадници граѓани, стари и млади, се приклучуваат на манифестацијата со што се создава вистинска празнична атмосфера и достоинствено негување на традициите.

Годинава во Гостивар Водици се славеше со положување на крстот во Вардар по шести пат, откако во 2015-та се возобнови традицијата.

Бог се јави-Навистина се јави!