Светски ден на контрацепција – годишно 16 милиони тинејџерки раѓаат бебиња

Датумот 26-ти септември ширум светот се одбележува како Меѓународен ден на контрацепцијата. Целта е да се подигне свеста за користењето контрацептивни средства и да им даде шанса на младите луѓе сами да решаваат за своето сексуално и репродуктивно здравје врз база на валидни и проверени информации.

Податоците покажуваат дека годишно во светот има 40 милиони непланирани бремености. Околу 220 милиони жени во светот би сакале да го контролираат раѓањето деца, но немаат пристап до модерените и сигурни средства за контрацепција. Важноста од сексуална едукација е потенцирана со фактот што девојките меѓу 15 и 19 години, кои се опфатени во едукацијата за сексуалноста, имаат 50% помалку шанси да се изложат на ризикот да останат бремени. Секоја година 16 милиони тинејџерки раѓаат бебиња.