Светски ден на театарот – „Креативниот набој на уметниците никогаш нема да биде потиснат“

Датумот 27 Март ширум светот се одбележува како Меѓународен ден на театарот. Годинава, празникот на театарската магија се дочекува во пандемија. па и пораките што традиционално се испраќаат по повод денот, се во тој контекст.

Автор на македонската порака е актерката Сузан Агбелге, а во неа меѓу другото се вели: „Кога сите дефиниции за театарот паѓаат во вода за време на криза, предизвик и културна обврска на секој поединец уметник е да повикува на повисок степен на одговорност, иновативност, креативности истражување на нови модели и форми на театарско битисување сега и во иднина. Денес на светскиот ден на театарот, во време на голема криза кога во изобилие го имаме само времето. Ве поканувам да сонуваме со очи ширум отворени, да ја разбудиме креативноста преку која постоиме.”

Светската порака ја напиша актерката Хелен Мирен, нагласувајќи дека креативниот набој на уметниците, писателите, актерите, танчерите никогаш нема дабиде потиснат и повторно ќе процвета со нова енергија..