Светски ден против пушењето – тутунот убива 8 милиони луѓе годишно

Датумот 31 мај се одбележува како Светскиот ден против пушењето. Податоците од Светската здравствена организација покажуваат дека повеќе од 40% од пушачите низ светот, умираат поради проблеми поврзани со дишните патишта, меѓу кои и рак на белите дробови. Производите од тутун убиваат повеќе од 8 милиони луѓе секоја година. „Тутунската и сродните индустрии мора постојано да наоѓаат нови потрошувачи за да ги заменат оние кои што веќе ги убиле нивните производи за да ги одржат приходите. Тутунските компании потрошија над 8 милијарди во маркетинг и рекламирање и светот изгуби 8 милиони животи кои што починале од причини поврзани со употреба на тутун и изложеност на пасивно пушење. Како одговор на систематските, агресивни и одржливи тактики на тутунската и сродните индустрии за привлекување на нови генерации на корисници на тутун, Светскиот ден без тутун 2020 година ќе обезбеди контра-маркетинг кампања и ќе ги поттикне младите да се вклучат во борбата против “Големиот Тутун”. СЗО ги повикува влијателните инфлуенсери – во поп културата, на социјалните медиуми, во домот или во училницата – кои доаѓаат и се поврзуваат со младите за да им ги прикажат манипулативните тактики на тутунската индустријата која сака да создадат нова генерација на корисници на тутун. Треба да ја поттикнеме младите да се спротивстават на “Големиот Тутун” со тоа што ќе ги отфрлаат тие лаги и ќе одбијат  да ги користат тие производи.“, се вели во соопштението на ИЈЗ по повод 31 мај.