СВР Тетово апелира: Пријавувајте ако видите истоварање на кучиња скитници

Секторот за внатрешни работи Тетово упати апел до граѓаните од тетовско-гостиварското подрачје, доколку забележат лица кои со товарни или други возила од страна носат и истовараат, кучиња во Гостивар, Тетово или во други места, да се јават на телефонскиот број 192  и да ги пријават таквите случаи.

На лицата кои ги оставаат кучињата без грижа и контрола на улиците или други јавни места им се укажува дека тоа законски ќе биде санкционирано со изготвување на соодветни поднесоци, односно со поднесување на пријави против нив.

Секторот за внатрешни работи Тетово нагласува дека во координацијa со локалните самоуправи презема мерки за надминување на оваа појава, со цел граѓаните непречено и безбедно да се движат и да ги остваруваат своите секојдневни обврски и потреби.