Гостивар
СВР Тетово: Започна грејната сезона, бидете внимателни, заштитете се од пожари
Со започнувањето на новата грејна сезона од денес (15 октомври), се зголемуваат потенцијалните опасности од избувнување на пожари, најмногу предизвикани од човечко невнимание, користење неисправни печки на дрва или на електрична енергија, на стари и дотраени електрични инсталации, греалки и други видови грејни тела, како и поради неисчистени оџаци во куќи или станбени згради.
Секторот за внатрешни работи Тетово апелира до граѓаните за максимална внимателност:
„Да не се оставаат вклучени грејните тела кога подолго време не се присутни во домовите или работните простории, особено не греалки, клима уреди или печки на дрва. Зашто, доволна е само мала искра да пламне голем пожар со сериозни материјални и други последици. Ова, посебно се однесува на станбените згради, каде далеку потешко се локализираат пожарите, поради недостиг на потребната опрема во многу од нив и отежнатиот пристап до објектите, најчесто од градежни или други причини“, нагласува портпаролот на СВР Марјан Јосифовски.
На сопствениците на куќи и на станарите во зградите им се советува најмалку два пати годишно да ги проверат и исчистат оџаците, но и да не ги преоптоваруваат инсталациите во домовите или локалите со вклучување на повеќе електрични апарати наеднаш.
Секторот за внатрешни работи Тетово ги потсетува граѓаните дека предизвикувањето пожар, односно на општа опасност претставува кривично дело за кое е предвидена затворска казна од една до пет години (член 288 од Кривичниот законик).
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар