Тагата на Гостивар е неизмерна – Меморијален марш во спомен на жртвите од несреќата кај Ласкарци

Во сабота се навршуваат две години од трагичната автобуска несреќа кај Ласкарци, која заврши со 16 човечки жртви и го зави Гостивар во црно.

Во спомен на загинатите, под покровителство на Општина Гостивар ќе се организира Меморијален марш на релација наплатна рампа Тетово – градски плоштад Гостивар.

„Да им оддадеме почит на жртвите од трагедијата кај Ласкарци со Меомријален марш, по помошниот пат покрај автопатот, во должина од 24 км. Поаѓање со организиран превоз пред општина Гостивар: Сабота (13.02.2021) во 10 часот почеток на маршот, 11:30 часот (Наплатна рампа Тетово). Маршот ќе заврши во 17:30 часот на градскиот плоштад во Гостивар.“, информираат организаторите. Целта е да се испрати заедничка порака до надлежните државни институции да ги преземат сите неопходни мерки за обезбедување поголема безбедност во патниот сообраќај, како и да се сензибилизираат сите учесници во сообраќајот да не ни се повторат вакви трагедии.

Заинтересираните за учество може да се пријават на телефонски бр. 072 519 109. Се напоменува дека неопходно е почитување на мерките против КОВИД-19, а од организаторот ќе бидат обезбедени околу 50 маски и дезинфициенси.