Занимливости
Тајга, дом на сибирскиот тигар и необичниот народ Ненет
Тајга или Евроазиска бореалната шума е една од најраспространетите типови на шуми и зафаќа 29% од вкупната земјина шумска покривка. Се простира на околу 10 илјади километри од западна Скандинавија, долж цела северна Европа, се` до крајниот исток на Русија, односно до брегот на Тихиот Океан..
Со оглед на тоа што опфаќа големи површини на различни континенти, разбирливо е во различни делови да има различна вегетација. Во европскиот дел најзастапени се норвешката смрека и шкотскиот бор. Движејќи се подлабоко кон Сибир, доминираат сибирските видови на ела и бор. Зимзелените дрвја владеат со бореалната шума, но сепак се среќаваат и листопадни, како на пример брезата.
Климатските услови, пред се` температурата која може да се спушти и до -60 степени придонеле во тие предели да опстанат само најиздржливите животни. Од цицачите заштитен знак на тајгата се самурот (сибирска куна) и евроазиска мечка. Се среќаваат и дивокози, диви свињи, елени, а од птиците тетребот. Едно од најинтересните животни кое живее во тие предели е лакомец (Wolverine), кој има силни раце и нозе, широки стапала и може брзо да трча по снег. Многу е издржлив, и може одеднаш, без пауза да претрча 10 до 15 км, а дневно претрчува и по 50 километри.
Тајгата е дом на сибирскиот тигар, најголемата мачка на светот. Овој предатор може да достигне до 400 килограми тежина и се смета за еден од најдобрите ловци на светот. Канџите му се долги 10 см, а видот му е дури петпати подобар од човековиот. Сибирскиот тигар важи за ѕвер со огромна физичка моќ. Независно од своите крупни размери може да трча со брзина од 50 до 70 километри на час.
Во северните делови на бореалната шума во Сибир, живеат 10 илјади припадници на народот Ненет. Животот на овие луѓе во целост зависи од ирвасите. Тие им служат како храна, превозно средство и материјал за правење облека и орудија. Живеат во целосен склад со природата и се борат да го задржат својот традиционален начин на живот и покрај се почестите посети од „цивилизираниот“ свет кој се интересира за нивното секојдневие и се обидува да внесе делови од модерното доба.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар