Тајната врска меѓу чоколадата и ПМС-от…

Жените знаат многу добро: Во период на ПМС, освен другите симптоми, чувствуваат и голема желба за чоколада. Има ли науката објаснување за таа потреба, или тоа е едноставно  само лоша навика на која понежниот пол се навлекол со оправдување?

Истражувањата на светско ниво покажале дека 40-50% од жените полудуваат по слатко, особено по чоколада, за време на ПМС.

Некои сметаат дека нашето тело природно бара супстанци кои ќе му донесат некој вид на смирување. А за жените, ПМС-от знае да биде бурен и напнат период во текот на кој реагираат нервозно и преемотивно. Што повеќе смирува од неколку коцки чоколада?

Чоколадата содржи анадамид, супстанца која врз организмот делува релаксирачки. Интензивниот вкус и масната структура, се причина плус зошто жените сакаат да ја јадат во проблематичните денови. Чоколадата, со оглед на тоа дека е полна со шеќери и масти го предизвикува мозокот да лачи допамин. Овој хормон е задолжен да ни носи чувство на задоволство и добро расположение.

Со или без ПСМ, сепак мора да се биде внимателен да не се создаде зависност, како што обично бива од слатката храна и онаа со појак вкус. Затоа што повеќе чоколада значи и повеќе килограми, а жените баш и не го сакаат тоа второто…