Талентираниот гостиварец Донарт Садику гостин на „кралскиот“ клуб во Шпанија

Талентираниот 13 годишен гостиварец, Донарт Садику е избран за најдобар поединец на фудбалскиот камп на Реал Мадрид кој се одржа во јуни годинава во Скопје, Штип и Кавадарци, организиран од Real Madrid Foundation Campus Exprience.

Донарт, моментално се наоѓа во Шпанија, каде по покана на фудбалскиот клуб Реал Мадрид има можност да ги покаже своите фудбалски вештини, како и да ги посети просториите на најтрофејниот клуб во Европа.

На кампот во Македонија, Садику беше најдобро оценет млад фудбалер од страна на шпанските тренери и покажа најдобри резултати на средината на теренот со офанзивни карактеристики, контрола над топка, прецизни додавања и брза реакција во дадена ситуација.

Донарт Садику е роден 2005 година, живее во Србиново.