Таравари: До утре се‘ ќе биде јасно, со Владата сме скоро синхронизирани

Речиси е извесно дека Алијанса за Албанците ќе влезе во Владата имајќи ја предвид најновата изјава на претседателот на партијата, Арбен Таравари кој рече дека скоро за се‘ што преговарале нашле заеднички јазик.

„Со Владата сме скоро за повеќето прашања синхронизирани, се надевам дека денеска, утре ќе завршиме конечно и тогаш ќе ги објавиме сите информации што се однесува за евентуалното влегување на Алијанса во Владата. За Министерства и директорски места не би зборувал додека не завршиме не би било коректно за да во меѓувреме не се смени нешто. Се надевам дека до крај на утрешниот ден, се‘ ќе биде јасно.“, рече Таравари во изјава денес при посета на Противпожарната единица во Гостивар

На прашање на Gostivarpress.mk „Ако скоро за се‘ се согласувате, каде се кршат копјата?“, одговори:

„Па има одредени работи за коишто чекаме, нормално треба консултации во сите партии кои се дел од владиното мнозинство, се консултираат, се враќаат работните групи… Но се надеваме дека утре се‘ ќе се знае“.