Таравари и Лимани на Светски владин самит во Дубаи

Градоначалникот на Општина Гостивар и претседател на Алијанса за Албанците, Арбен Таравари и претседателот на Советот, Валбон Лимани учествуваат на Светски владин самит кој се одржува во Дубаи од 13 до 15 февруари под слоганот „Обликување на идните влади“. На самитот присуствуваат 10.000 претставници на политичкиот и јавниот живот, експерти и шефови на меѓународни организации и др. од сите страни на светот. Во рамки на настанот се одржуваат над 220 сесии со стручни говорници на различни теми како: здравство, климатски промени, економски текови итн.

„Му благодарам на Омар Султан Алома, државен министер за вештачка интелигенција на Обединетите Арапски Емирати, што не покани на овој важен светски настан, кој ги потврдува пријателските односи меѓу нашите земји. На овој Самит, десетти по ред, заедно со претседателот на Советот на Општина Гостивар, Валбон Лимани, сме за да примиме и да испратиме порака дека е повеќе од важно владите да понудат конкретни и законски можности за промовирање на иновации во различни сектори кои влијаат на стабилноста и еднаквоста. Му благодарам на амбасадорот на Република Северна Македонија во Обединетите Арапски Емирати во Абу Даби, г. Абдулкадер Мехмеди, за менаџирањето на нашето учество и неговите активности за промовирање на вредностите на нашата држава во ЕБА.“, наведе Таравари.