Гостивар
Таравари им порача на гостиварци што повеќе да читаат – ние го прашавме какви книги чита тој…
Денес и утре, на градскиот плоштад во Гостивар се одржува мал Саем на книгата. Со литературни дела од различни жанрови на албански јазик, учествуваат десетина издавачки куќи. Настанот го организира Здружението на албански издавачи во Македонија, со поддршка на општината. Градоначалникот Арбен Таравари ги посети штандовите, ја разгледа понудата, си купи книга и им порача на гостиварци што повеќе да читаат.
„Минатата година, саемот на книга во Гостивар беше многу успешен и ја постигна целта-издавачите да продадат што повеќе книги, а граѓаните да се поттикнат да читаат. Имајќи во предвид дека нашата интелигенција се развива во зависност од тоа колку читаме би им препорачал на граѓаните на Гостивар, да си купуваат што повеќе книги и што повеќе да читаат. Цените навистина не се скапи, многу се пристапни и мислам дека секој може да си дозволи да си купи книга за да ја има и чита“, рече Таравари.
На нашето прашање: Колку тој има време за читање и каква литература преферира, градоначалникот одговори: „Јас искрено порано читав многу повеќе отколку сега. Додека работев како лекар, можеби 90% од книгите што ги читав беа од областа на неврологијата, поточно за невродегенерација. Меѓутоа, немаше вечер да не заспијам со книга, па и сега секогаш ми се две-три книги при рака. Се` повеќе читам политички книги, следам некои статистики, анализи од автори од земјава и од странство. Практично сум ученик по политика“.
Како што објасни претседателот на Здружението организатор, Абдулмеџит Салиу, настанот во Гостивар е дел од поширок проект наречен „Патуваме со книгата“. Меѓу следните градови кои ќе ги посетат е и Тетово.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар