Таравари: На 8-ми мај промената ќе се случи и никој не може да ја сопре

Под мотото „Промената започна“ вечерва во Гостивар, Алијанса за Албанците одржа собир од кој партискиот претседател Арбен Таравари истакна:

„Главната порака што сакаме да ја испратиме е дека промените мора да дојдат во албанскиот блок после 24 години.  Никој друг како Алијанса за Албанците нема заслуга да ја направи таа промена, бидејќи најголем дел од нашето постоење сме опозиција и на 8 мај промената ќе се случи и никој не може да ја сопре.“

Во однос на коалицирање и заеднички настап со останатите опозициски партии од албанскиот блок, Таравари кажа:

„Се уште немаме платформа со опозициските партии, сакав и народот да го слушнам, затоа сме тука, затоа и бевме во Куманово. Има позитивна енергија кај луѓето. Следната недела можеби ќе седнам со лидерите од албанските опозициски партии да разговараме и да одлучиме кога би направиле официјална коалиција со платрофма.“

Денес, пак во Скопје беше покренета иницијатива за разрешување на Таравари од претседател на Алијанса за Албанците.