Таравари нов претседател на Алијанса за Албанците

На денешниот трет вонреден конгрес на Алијанса за Албанците, што се одржа во Тетово, Арбен Таравари беше избран за претседател на партијата.

„Политиките на партијата генерално ќе продолжат тие што се. Веќе од утре почнуваме со континуирана кампања додека се одржат следните избори. Кампања врата на врата, да ги отвориме вратите на партијата да доближиме што повеќе луѓе, посебно интелектуалци кои ни се потребни за успешно функционирање на партијата. Одблиску да ги видиме проблемите и маките на народот, а тоа нема да го правиме само во деновите на кампањата, туку секој ден ќе биде кампања во секоја сфера, континуирана работа. Професионализацијата на партијата ќе биде примарна цел на планот што не очекува. Со ова сакам да кажам дека ќе развиваме тековни проекти, евентуално во развиени европски или меѓународни земји, за што е можно повеќе да го зголемиме своето знаење и професионализам.“, рече Таравари.

На 21 август 2022 поради неповолните резултати од вонредните избори за Совет на Општина Тетово дотогашниот претседател на АА, Зијадин Села поднесе неотповиклива оставка на функцијата партиски лидер. После тоа, Таравари беше изменуван за в.д претседател на партијата.