Гостивар
Таравари побара совети од просветниот инспектор кој ги стави на тепет Адеми и Нухиу

На првиот ден од второто полугодие, гостин кај градоначалникот на Гостивар, Арбен Таравари беше Ѓорѓи Илиевски, просветниот инспектор којшто лани посочуваше дека функционери незаконски напредувале во научно-наставни звања на Државниот универзитет во Тетово. Како што рече градоначалникот, го поканил Илиевски на средба за со него да се консултира и да побара совети околу проблемите што ги имаат општината и Министерството за образование.
„Инспекторот има огромно искуство во образованието и го познаваме како човек кој повеќе од една година води војна со институциите во име на правдата. Го поканив за да ги слушнеме неговите совети и препораки како да постапуваме, ние како општина. Знаете дека два пати централната власт ни ги одземаше ингеренициите во образованието. Сега низ училиштата во Гостивар се пуштени да се шетаат инспектори и се прави обид по трет пат да ни ги одземат, со што ќе влеземе во гинисовата книга на рекорди. Знам дека функционерите од СДСМ ќе излезат и ќе кажат, дека тоа го прави ДУИ, но не е така. За се` што прави ДУИ, СДСМ го штити и така целата држава станува заложник на нивните криминали.“, изјави Таравари.
Инспекторот Илиевски не откри конкретно што го советувал градоначалникот, но ги повика колегите од Просветниот инспекторат кои вршат надзори низ училиштата да постапуваат професионално и според законите.
„Врз мене се вршат мобинг и притисоци, откако открив дека тројца функционери, министерот за образование, Арбер Адеми, заменикот во МВР Агим Нухиу и директорот на Државниот завод за индустриска сопственост, Сафет Емрули, биле незаконски унапредени во своите научно-наставни звања. И градоначалникот Таравари е паталец, во некоја рака како и јас, но сепак ќе издржиме и ќе се бориме со сето она што се случува. Тој се наоѓа во многу тешка состојба, затоа што нема поддршка од централната власт. Кога се даваат парични средства за училишта, во други општини и се злоупотребувале. А Гостивар е оставен да се снаоѓа, градоначалникот води битка за да се подобрат условите, а не добива никаква помош. Ги повикувам моите колеги од Државниот просветен инспекторат професионално да си ја вршат својата работа. Знам дека има и професионални колеги, но и ним им се врши притисок како да постапат. Замислете, во Гостивар доаѓаат инспектори од Струга за да вршат инспекциски надзор. Тие нека си ја завршат прво работата во Струга, но таму не смеат да казнуваат“, изјави Илиевски.
Инспекторот за една недела ќе се пензионира, но при денешната средба и гостинот и домаќинот рекоа дека тоа нема да биде пречка да ја продолжат соработката.
-
Гостиварпред 4 недели
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Невработените со можност за бесплатни обуки и полагање за возачки дозволи за камион и автобус
-
Гостиварпред 3 месеци
ПАТЕПИС: Во прегратките на Кораб – Светилиштата како вечност
-
Вестипред 3 месеци
УЈП со важно известување за корисниците на МојДДВ
-
Вестипред 3 месеци
Преку „е-услуги“ вадење имотен лист за неколку секунди
-
Македонијапред 3 месеци
Комплетна листа на неработни денови во 2025-та година
-
Што, како, каде?!пред 1 месец
„Пица & Бургер БЕЈБИ“ – Ново уникатно место за добра храна и забава во Гостивар
-
Рецептипред 3 месеци
Крем супа од тиква и морков – топло, вкусно и хранливо