Гостивар
Таравари: Пожарите на Русино се подметнати, општината нема ингеренции, после избори ќе бидам прв што ќе протестира
По синоќешното ескалирање на состојбата на Русино, од каде се проширија чад и смрдеа низ целиот град и околината, градоначалникот на Гостивар, Арбен Таравари излезе со објаснување дека општината нема ингеренции врз депонијата, и ја повика Владата или да преземе мерки или да ги врати ингеренциите.
„Се работи за здравјето на граѓаните и затоа овој проблем е многу важен за мене како градоначалник. Општината нема никакви ингеренции врз депонијата. Јас денес пред вас покажувам и документ на кој се гледа дека надлежен орган за депонијата е Министерството за животна средина. Ги повикувам Министерството и Владата или да преземаат мерки, или да ги вратат ингеренциите на општината. Нашите ингеренции се одземени пред 2,5 години. Не сакам предизборно да користам да наштетувам на некого, но јавно кажувам дека со сите невладини организации веднаш после изборите јас ќе бидам прв кој ќе протестира, ако треба и пред Владата и пред депонијата.“, изјави градоначалникот.
За палењето на отпадот рече дека е намерно со политичка заднина.
„Дека е намерно подметнување нема дилеми, лани токму пред Бајрам, сега пред избори. Додека оператор на депонијата беше човек на опозициска партија на локално ниво, немаше пожари, откако поради злоупотреби го сменив, дојде друг оператор, од тогаш имаме нон стоп пожари. Ние веќе покренавме предмет во Јавното обвинителство против непознат сторител, евентуално да се открие кој ги подметнува пожарите. Нема да дозволам да се злоупотребува, пожари да се подметнуваат на депонијата и да се загадува воздухот и да се прават штети на сите граѓаните.“, рече Таравари.
Вчера на гаснење на Русино интервенирала и противпожарната единица и екипи на Комуналец. „Редовно интервенираат, но се работи за огромни површини. Веќе знаете дека обезбедивме осигурување на депонијата, но не може да го покрие целиот простор, затоа што е огромен. Веќе поставуваме камери и на повеќе локации, ќе има над 100 камери за поголема контрола. Не може да биде коинциденција, секогаш кога се случува нешто битно, тогаш да има и пожар. Ги молам членовите на сите партии да не го злоупотребуваат здравјето на граѓаните, од тоа не добиваат ништо, само губат“, истакна градоначалникот.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник