fbpx
Поврзи се со нас

Гостивар

Таравари со отчет за 3 години раководење со општината: Поставивме нови стандарди за работа и транспарентност

Објавено

на

Тригодишното раководење со Општина Гостивар, градоначалникот Арбен Таравари и неговите соработници денес го одбележаа со пресек на реализираните проекти преку видео презентација и прес конференција.

„И покрај разните пречки од централната власт, и покрај тоа што 2020-та е година на пандемија, како општинско раководство не престанавме посветено да работиме во инвестиции и проекти.  70% од ветувањата кои ги дадовме во предизборната кампања ги реализиравме. Тука би ги споменал двата стационари за кучиња скитници, знаете пред да дојдеме на чело на општионата немаше ниту еден, отворивме два и веќе 700 кучиња се третирани. Потоа четири нови градинки, а петтата е веќе во процедура, па 30 километри новоасфалтирани патишта во градот и во руралните средини, 20 километри водоводни линии, над 50 километри канализација, околу 500 илјади евра инвестиции во училиштата, иако ингеренциите ни беа одземани. Иато така, подигнати нови зелени површини, ново јавно осветлување, 15-тина детски катчиња…“, рече градоначалникот.

Таравари ги искоментира и критиките на гостиварскиот огранок на ДУИ, од каде нагласија дека неговите предизборни ветувања останале празни бзорови, велејќи дека ДУИ се класичен пример на уништување на институциите, поради што последици трпат сите.

„Прашаа зошто немало нови фабрики во Гостивар, па ДУИ откако е на власт уништува се што може да се уништи и не создава услови, само негативни последици. Еве „Пошта“ е класичен пример како ДУИ уништува едно претпријатие, го донесе до пропаст. Во Општина Гостивар утре да дојдат од „Мерцедес“ да инвестираат немаме да им понудиме локација, нема индустриска зона. Точно е, јас ќе бидам искрен до крај, има ветувања кои не сме успеале да ги реализираме, сепак има и причини за тоа, а има и уште време до крајот на мандатот“, нагласи првиот човек на Гостивар со став дека како општинска власт поставиле стандарди на работа и транспарентност кои треба да служат за пример.

 

 

 

 

Advertisement
Advertisement
Advertisement
Advertisement
Advertisement

АНКЕТА:

ДАЛИ ТРЕБА ДА СЕ ЛЕГАЛИЗИРА МАРИХУАНАТА ВО ЗЕМЈАВА?

Популарно изминативе 100 дена

error: Содржината е сопственост на Gostivarpess.mk!