Гостивар

Таравари со сопартијците на средба со албанскиот претседател Бегај

Објавено

пред 1 година

на

25/10/2022

Од

Gostivarpress.mk

В.д. претседателот на Алијансата за Албанците, Арбен Таравари, придружуван од сопартијците Исен Шабани, градоначалник на Врапчиште и Артина Ќазими, Абдула Салиу и Сирија Рашиди, пратеници во Собранието на РСМ беше на прием кај претседателот на Република Албанија, Бајрам Бегај. Како што соопштија од партијата средба е оценета како плодна и братска, и ги потврдила пријателските односи меѓу двете земји, со заложба за нивно продлабочување.

„Честитајќи му за изборот во функцијата, му се заблагодарив на претседателот Бегај за незаменливата улога на Албанија во регионалната соработка, вклучувајќи ја и примерната солидарност со соседите на нашиот заеднички пат кон Европската унија. Му честитав за покажаното лидерство на Република Албанија на меѓународен план, што се докажува и со организирањето на Самитот ЕУ-Западен Балкан на 6 декември, историски настан за Тирана и за целиот регион“, изјави претседателот Таравари по средбата.

На оваа средба се разговараше и за зајакнувањето на регионалната соработка на Западен Балкан, при што беше потенциран напредокот постигнат во Берлинскиот процес и заедничкиот регионален пазар, а беа разгледани и многу прашања од заеднички интерес, како што се Заедничкиот буквар и Куќата на Азбуката во Битола, соопшти АА.

„Побарав од претседателот да се заложи за спас на ова албанско духовно наследство од пропастот што беше најавено пред извесно време. Разговаравме и за реализација на некои други стратешки проекти за нацијата, како што се железничката пруга Кичево-Лин и Патот на Арбр“, нагласува Таравари.

Сподели ја веста:

Поврзани теми:

Следнo

Полицијата потсетува на правилата за престигнување, вчера казни 18 возачи во Гостивар за непочитување

Не пропуштај

Отворен ден во Основниот суд во Гостивар