Таравари: Соништата на ДУИ да реализираат проекти во Гостивар не се исполнија, а имаа два мандати

Како што веќе објавивме огранокот на ДУИ во Гостивар денес одржа прес конференција на која посочија дека градоначалникот Арбен Таравари промовира туѓи проекти како свои достигнувања. За искажаното од политичките противници актуелниот градоначалник  искоментира дека граѓаните знаат кој што работи и своето мислење ќе го дадат на престојните избори.

„ДУИ не е партија која никогаш не била на власт во Гостивар, истата партија со ист кандидат со кој ќе настапи и на овие избори, имале два мандати, можеле да реализираат проекти. Не сме криви ние што на 29 октомври 2017 година граѓаните одлучија Таравари со екипата да раководи со општината. Ги разбирам, нивните соништа да реализираат повеќе проекти не им се исполнија, како канализации, водовод, градинки, реновирања на училишта, зеленило, младински центри…Ние реализиравме скоро сето тоа што го кажавме. На крај граѓаните одлучуваат, ете кај се изборите, граѓаните ќе го имаат последниот збор и тоа ќе биде тоа што ќе даде одговор на сите поставени прашања.“, изјави Таравари.