Поврзи се со нас

Гостивар

Таравари: За Гостивар се потребни најмалку 1.000 тестови и скрининг на медицинарите

На поширокото гостиварско подрачје од почетокот на пандемијата со Ковид 19 до сега, направени се околу 260 тестови за корона. Според градоначалникот Арбен Таравари тоа е мала бројка за да се добие реалната слика со проширеноста на заболувањето. Првиот човек на Гостивар, смета дека во регионот треба да се направи тестирање на најмалку 1.000 граѓани.

„За да имаме реална слика, според бројот на жители минимум би требало да се направат 1.000 тестирања, но за жал тоа не се спроведува и имаме само околу 260 направени тестови. Добро е што денеска почна скринингот на вработените во градинките, јас посакувам сите резултати да бидат негативни и што побрзо овие установи да почнат со работа. За сега не е најавен скрининг на некои други институции со поголеми колективи. Лично сметам дека здравствените работиници, без оглед дали се во јавно или приватно здравство, треба да поминат скрининг, бидејќи тие се најизложени на ризик и во директни контакти со пациентите“, изјави градоначалникот.

Таравари е и претседател на Меѓуопштинскиот кризен штаб за Гостивар, Врапчиште и Маврово Ростуше. Штабот на почетокот на пандемијата одржуваше редовни состаноци два пати неделно, па ги скрати средбите на еднаш во неделата. Понатаму ќе нема редовни состаноци, туку тие ќе се одржуваат по потреба. Ваквата одлука од штабот ја објаснија со фактот дека состојбата на подрачјето подолг период држи стабилност.

Сподели:
Остави коментар

Напишете коментар

Advertisement
Advertisement
Advertisement
Advertisement
Advertisement

анкета:

Каде ќе одите на одмор ова лето?

Резултати од анкетата

Отворени огласи за вработување во полог:

- Кошаркарски клуб Гостивар А.Д
- VILLA Group DOOEL
- M&M Медија ДООЕЛ Гостивар
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!