Таравари за пожарот во Русино: Итно бараме државна помош!

Градоначалникот на Гостивар, Арбен Таравари преку фејсбук статус се огласи за пожарот на регионалната депонија Русино, од кој вечерва во градот не може да се дише.

„Иако регионалните депонии се веќе една година под надлежност на Владата, ние од нив немавме никаква помош. Ги известивме сите институции, (Центар за управување со кризи, Владата) за критичната состојба на оваа депонија, но наидовме на глуви уши! Во моментов општината, јавните компании, со пожарникарите од Гостивар и Тетово, се обидуваат да ја стават ситуацијата под контрола. Итно бараме државна помош на терен и јавно, а поминаа повеќе часови откако побаравме помош од државните институции. Дојдете во Гостивар сега, во спротивно ситуацијата може да заземе драматични размери, за кои ќе сносите уште поголема одговорност!Доколку продолжи оваа состојба, ќе бидеме сигурни дека овој пожар не е предизвикан од рамнодушноста на Владата, туку намерно оваа Влада сака Гостивар да биде запален, а гостиварските деца отруени!“, напиша градоначалникот.