Татко лажно пријавил дека синот му украл злато и девизи во вредност од 100.000 евра

Секторот за внатрешни работи Тетово, до Основното јавно обвинителство Тетово поднесе кривична пријава  против 52-годишниот М.Џ. од тетовска Палатица поради постоење основи на сомнение дека сторил кривично дело „лажно пријавување на кривично дело“, казниво по член 366 став 1 од Кривичниот законик.

„Пријавениот се сомничи дека на втори овој месец пријавил дека во неговата куќа во Палатица била извршена тешка кражба на злато и девизи во вкупен износ од 100 илјади евра, во која учествувал неговиот син А.Џ.(19) со уште три други лица, по што наводно се оддалечиле од куќата  и заминале со возило „фолксваген голф“ со тетовски регистарски ознаки. Осомничениот признал дека ја измислил целата приказна околу кражбата.“, соопшти СВР.