Таткото на трагично загинатата Џејха од Здуње бара да не се шират невистини и најави тужба

Фејсал Меџити, таткото на Џејха, 17 годишната девојка од гостиварско Здуње, која трагично го загуби животот во водите на Вардар, денес на прес упати апел до јавноста да се престане со коментирање на случајот и ширење на невистини. Што се однесува до објавите на социјалните мрежи, напишани од актерката Ирена Ристиќ, која го посочи него како виновник за смртта на девојката, Меџити најави дека ќе поднесе тужба.

„Апелирам до сите, да не ја коментираат несреќата, има институции на кои им е должност да ја завршат оваа работа. Не може секој да обвинува секого и да коментира за некои работи кои не се точни, да оставиме институциите да ја завршат работата. Што се однесува објавите на Ирена Ристиќ, јас и мојот адвокат ќе поднесеме тужба, како што треба.“, изјави Меџити.