ТДП ќе го поддржи Бејта во вториот круг од изборите

Турската демократска партија во Гостивар во вториот круг од Локалните избори, ќе го поддржи кандидатот за градоначалник на ДУИ, Невзат Бејта. Соработката меѓу двете партии на локално ниво, денес беше официјализирана со потпишување на договор.

„Пред да ја донесеме оваа одлука, имавме консултации со основачите на партијата и со нашите членови. Направивме анализа и донесовме здрава одлука во која веруваме. Невзат Бејта како градоначалник со реализирани 600 проекти изминатите четири години покажа како треба да се работи и беше пример за цела Македонија. Затоа нашата одлука е во вториот круг да ја поддржиме победничката коалиција која ќе донесе мир и спокојство за сите граѓани во Гостивар, без разлика на верската и етничката припадност“, изјави Муједин Кахвеџи, претседател на огранокот на ТДП во Гостивар

            „Ова е природна коалиција која не ја правиме за наши лични интереси туку за нашите граѓани и нашиот град Гостивар. За разлика од политичкиот противкандидат, ние имаме програма, која заедно со ТДП и другите партнери на коалицијата ќе ја реализираме и која ќе оди во интерес на сите граѓани Албанци, Турци. Македоцни, Роми и други. Тоа го правиме затоа што го сакаме нашиот град и нашата општина. Со оваа програма во 2021 година Гостивар  ќе биде убав како градовите од Европската Унија и оние во Република Турција“, рече во својата изјава Невзат Бејта, претседател на огранокот на ДУИ во Гостивар и кандидат за градоначалник.

            Кахвеџи од ТДП потенцираше дека освен од гостиварскиот огранок, Бејта ќе ја добие нивната поддршка и од ограноците на Горна и Долна Бањица како и на Здуње.