Театарот од Бугарија најдобар на Меѓународниот фестивал „Отело“ во Гостивар

Бугарската екипа ги собра наградите на шестото издание на Меѓународниот театарски фестивал „Отело“ , кој изминатите денови се одржуваше во Гостивар. Фестивалот се заокружи вчеравечер, токму со доделување на наградите.

За најдобра актерка беше прогласена Климентина Фарцова, за најдобар актер Мартин Димиев, признанието за најдобар режисер го понесе Надја Панчева, сите од екипата на Спам Студио од Бугарија, чија претстава „Разрушување“ беше избрана и за најдобра на фестивалот.

МТФ Фестивалот „Отело“ се одржа од 12 до 17 септември во Центарот за култура АСНОМ во Гостивар. Во негови рамки беа поставени шест драмски претстави на тетатри од земјава, Албанија, Бугарија, Турција и Косово.