Тепачка меѓу малолетници во Форино, еден од нив завршил во болница

Вчеравечер (19 април) во 22 часот и 30 минути во СВР Тетово било пријавено дека половина час пред тоа во гостиварско Форино, по претходна вербална расправија, настанала физичка пресметка помеѓу 3 малолетници, при што еден од малолетниците со остар предмет му нанел повреди на друг малолетник, кој бил пренесен во гостиварската Општа болница „Ферид Мурад“ за укажување на лекарска помош.

На местото на настанот увид извршиле  Јавен обвинител и екипа од Одделението за внатрешни работи Гостивар, а во текот на денот со двајцата малолетници, во присуство на родители, претставник од Центарот за социјални работи и адвокат за малолетници ќе биде извршен разговор.

По целосно документирање на случајот, во координација со Јавен обвинител, ќе биде  изготвен поднесок, извести СВР.