Гостивар
Тепани и малтретирани: 24 жртви на семејно насилство во Гостивар
Минатата година на подрачјето на Гостивар регистрирани се 24 кривични дела поврзани со семејно насилство. На жртвите им биле нанесени телесни повреди, кои во некои случаи биле и од потешка природа. Податоците, сами по себе укажуваат на сериозноста на проблемот и потребата од посилна институционална координација за превенција и надминување.
Во анализата наведена во Извештајот на ПС Гостивар за 2018-та година, стои дека во 21 од кривичните случаи, жртви на семејно насилство биле жени. Со насилниците ги врзувале различни релации. Имало: сопруги, мајки, љубовни партнерки, како и баба и снаа. Сите регистрирани кривични дела на семејно насилство, минатата година на гостиварското подрачје биле заокружени со поднесување на кривични пријави против сторителите.
Што се однесува до причините за оваа трауматична појава се потврдуваат искуствата од претходно: дека семејствата кадешто постојат пороци, алкохолизам, злоупотреба на дрога или пак одредени психички болести и растројства, се под поголем ризик од насилство. Она што стручните лица го посочуваат како најтежок проблем во справување со малтретирањето е несигурноста и стравот на жртвата да се оттргне од насилникот, имајќи предвид дека згрижувањето во шелтер центар, не е трајно решение. Тие препорачуваат поголем ангажман на сите релевантни институции во насока на пружање поддршка и помош за осамостојување, економска независност и за социјализација на жртвата.
Освен кривични дела од областа на семејното насилство, во гостиварско годишно се евидентираат и по 20-30 поплаки, кои завршуваат со писмени или усни опомени и предупредувања на сторителите.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар